【愛瞞報道】首認積極審慎考慮參選特首 賀一誠:冇咩願景 考慮嘅嘢好多唔同因素

昨日(13日)立法會傳媒春茗活動期間,主席賀一誠再被追問會否參選特首。他爽快地稱將會考慮,而且是「積極考慮」,在記者「提醒」後,再補充應是「積極審慎考慮」。被問及對參選特首有何願景,他笑言:「冇咩願景,考慮嘅嘢好多唔同因素。」

.賀:廚房熱唔熱在於識唔識煮餸

隨著特首選舉管理委員會就職,新一屆「小圈子」特首選舉正式拉開序幕,預計將會在今年8月由400名選委投票選出新任特首。不過特區管治一直被形容為是「熱廚房」,賀一誠則表示:「人生經過了60年,咩熱呀凍呀都經歷過,對一個人嚟講唔係一個大問題,如果你話驚廚房熱,即係無承擔啫……廚房熱唔熱,係睇自己識唔識煮餸啫。」他又認為:「當你去到一定階段,社會認為你可以做這個位,你咪去做。」

被問及有否就參選一事與中央政府溝通,賀一誠稱暫時未有,又聲稱「一個都冇聯繫過。」至於同時盛傳經濟財政司司長梁維特和社會文化司司長譚俊榮也會參選,而兩人均未否認傳聞,記者問賀一誠有否感到強勁的競爭對手,賀一誠稱:唔會特別去感覺係咪有強勁的對手,個個都強過我。」

.賀一誠話唔選又選?

賀一誠生於1957年6月12日,現年62歲,在澳門土生土長。2009年循工商金融界間選投身立法會,2013年出任立法會主席至今。他同時身兼全國人大常委、中華總商會副會長等多重身分,自前特首何厚鏵卸任前夕,一直被視為接任的熱門人選。但《愛瞞》翻查2016年8月的報道,賀一誠在一次記者會上,曾以「年紀大,同輩好多都已退休」、「澳門好多人才」為由表明不會參選。有建制派人士坦言,「梁振英(香港前特首)以前都話N屆唔選啦,結果咪又係彈咗出嚟,政治啲嘢就係咁。」

《#愛瞞話你知》若賀一誠正式參選,他成為候選人一刻即會自動中止議員職務,主席一職將由副主席暫代。另外,法律不容特首選委參選特首,而身兼人大代表的賀一誠本身是當然選委,意味著他將需要辭去人大代表職務,才能符合參選特首資格。